Hendaiako Ikastolak abentuko egutegiak eskaintzen ditu. Helburu berezi batekin: bertako hezkuntza-proiektuak, irteerak eta eskola ekintzak zuzenean lagunduko ditu, haurrek Hendaian eta euskaraz bizi eta ikasten jarrai dezaten.

Txokolateak Baigorriko Laia txokolategikoak dira, diseinua Patxi Huarte @Zaldieroa marrazkilariak egina da, eta egutegiari bertsoa Miren Artetxe eta Maddi Ane Txoperena bertsolari eta ikastolako ikasle ohiek jarri diote.